Бақтиёр Зайнутдиновке ресейлік клуб құда түсіп жатыр
24.05.2025, 10:58
Қазақстан ұлттық құрамасының жартылай қорғаушысы Бақтиёр Зайнутдиновтың мансабында жаңа бетбұрыс болуы ықтимал. Түркиялық "Бешікташ" сапында өнер көрсетіп жүрген футболшыға Ресейдің бір клубы ресми ұсыныс жасады.
NUR.KZ
Трансфер құны "Бешікташ" төлегеннен де жоғары
Ресейлік клуб Зайнутдинов үшін 5 миллион еуро көлемінде трансферлік өтемақы ұсынған. Бұл сома – "Бешікташтың" 2023 жылы ЦСКА-ға төлеген 4,5 миллион еуросынан 500 мыңға артық. Алайда түрік клубы бұл ұсынысқа қандай жауап қайтарғаны әзірге нақты емес.
Маусымдағы көрсеткіштері мен келісімшарт статусы
2024/25 маусымында Зайнутдинов "Бешікташ" құрамында 12 ойын өткізіп, бір нәтижелі пас берген. Қазіргі келісімшарты 2027 жылдың жазына дейін жарамды. Transfermarkt порталы ойыншының нарықтық құнын 3,3 миллион еуроға бағалап отыр.