Forbes тізіміндегі миллиардер "Астанаға" көмекке келді
Қазақстандық кәсіпкер Ибрагим Ақдрашев "Астана" ФК директорлар кеңесіне кірді. Бизнесмен бұл туралы әлеуметтік желідегі парақшасында хабарлады.
"Астана" үшін жаңа кезең: Ақдрашев клубтың даму жолында
62 жастағы кәсіпкер Ибрагим Ақдрашев өзінің Instagram парақшасында "Астана" футбол клубымен ресми түрде әріптестік басталғанын мәлімдеді. Жаңалығын жария еткен ол былай деп жазды:
"Енді мен "Астана“ ФК директорлар кеңесінің мүшесімін! Клубты дамытуға күш салуға және чемпиондарымызды қолдауға дайынмын. Алға," "Астана!"
Бұл жаңалық футболсүйер қауым арасында қызу талқыға түсіп, клуб жанкүйерлері жағымды өзгерістер күтуде.
Forbes Kazakhstan: Ақдрашев – үздік кәсіпкерлер қатарында
2025 жылдың мамыр айындағы Forbes Kazakhstan рейтингі бойынша, Ибрагим Ақдрашев елдегі ең ауқатты кәсіпкерлер тізімінде 52-орынды иеленіп отыр. Оның байлығы 184 миллион АҚШ долларына тең (шамамен 93,8 миллиард теңге).
"Нефтестройсервис ЛТД" — энергетика мен инфрақұрылымда көш бастап тұр
Ақдрашев басқаратын "Нефтестройсервис ЛТД" ЖШС – құрылыс-монтаж және сервистік қызмет көрсететін жетекші компаниялардың бірі. Компания құрамына бірнеше ірі серіктес ұйымдар кіреді:
- "CIS Kashagan" ЖШС
- "КазахНефтеГазСервис" ЖШС
- "Kentz Kazakhstan" ЖШС
- "Батысстройконтракт Лтд" ЖШС
Бұл ұйымдар елдің мұнай-газ, құрылыс және инфрақұрылым секторларында белсенді жұмыс істеп келеді.