"Манчестер Юнайтед" ойыншылары клуб басшылығына наразы
31.05.2025, 12:53
"Манчестер Юнайтед" футболшылары клуб басшылығының шешіміне реніш білдіруде. Команда маусым соңында демалыс орнына Азия турнесіне аттанған.
talksport.com
£8 миллион – бірақ қандай бағамен?
"Қызыл сойқандардың" ойыншылары турне ұйымдастырылу себебін түсінеді – клуб бұл сапардан шамамен £8 млн (€9,5 млн) пайда табады. Алайда олар үшін бұл маусым соңындағы күткен демалыстың бұзылуына тең.
"Олар ашуға булыққан. Отбасымен уақыт өткізуге болатын күндерді коммерциялық мақсаттарға айырбастау әділетсіз", – дейді дереккөз.
2024/2025 жылғы Англия Премьер-Лигасы маусымында "Манчестер Юнайтед" бар болғаны 42 ұпай жинап, турнир кестесінде 15-орынды қанағат тұтты. Бұл клуб тарихындағы ең сәтсіз маусымдардың бірі ретінде тіркелді.