Роналду ислам дінін қабылдады ма? Финалдағы дұғасы елді шулатты! (ВИДЕО)
Желіде тараған видеода Роналдудың мұсылманша дұға жасап тұрғаны анық көрінеді.
Португалия құрамасы Ұлттар лигасының жаңа чемпионы атанды. Финалда олар Испанияны тізе бүктіріп, тарихи трофейді қанжығасына байлады. Бірақ бұл түнгі жеңіс футбол жанкүйерлерінің назарын тек спорттық нәтиже арқылы емес, ерекше бір сәт арқылы да өзіне аударды. Дәлірек айтқанда, Криштиану Роналду мұсылманша дұға жасап тұрған сәті әлеуметтік желіде қызу талқыға түсті.
Криштиану Роналдудың дұғасы
Бейнежазбада Португалия құрамасының аңызға айналған капитаны Криштиану Роналду финал алдында дұға жасап, алаңға беттегені анық байқалады. Бұған таңырқаған қолданушылар бірден "Роналду ислам дінін қабылдады ма?" деген сұрақтарын жаудырды.
Әзірге футболшы бұл әрекетіне ресми түсініктеме берген жоқ. Дегенмен, оның діни сенімі мен түрлі дін өкілдеріне деген құрметі бұрыннан белгілі. Бұған дейін де Роналду қайырымдылықпен айналысып, түрлі мәдениет пен сенімге құрмет көрсетіп жүрген еді.
Финалдағы тартыс
Финалдағы ойын аса тартысты өтті. Португалия құрамасы Испанияны пенальти сериясында жеңіп, Ұлттар лигасы трофейін екінші мәрте иеленді.