Роналду "Әл-Насрда" қалатынын мәлімдеді
Футбол әлемінің аңызы Криштиану Роналду өз болашағына қатысты шешімін жария етті
Португалия жұлдызы мансабын Сауд Арабиясында жалғастырмақ
40 жастағы португалиялық шабуылшы мансабын Сауд Арабиясының “Әл-Наср” клубында жалғастыратынын мәлімдеді, деп жазады журналист Фабрицио Романо.
“Менің болашағым? Ештеңе өзгере қоймайды. "Әл-Насрда" қаламын ба? Иә”, — деді Роналду журналистерге.
Ұлттар лигасындағы жеңіс
Күні кеше Роналду Португалия құрамасы сапында Ұлттар лигасының жеңімпазы атанды. Финалда португалдар пенальти сериясында Испанияны тізе бүктірді.
Айта кетейік, Роналдудың "Әл-Насрмен" келісімшарты 30 маусымда аяқталады. Бірақ шабуылшы клубтан кетпейтінін нақты айтты.
40 жасында да рекорд жаңартуда
Роналду ұлттық құрамалар деңгейінде әлем бойынша ең көп гол соққан ойыншы ретінде рекорд иесі — 138 гол. Ол 2023 жылдың қаңтарында “Әл-Наср” клубына қосылып, биылғы маусымда 41 ойында 35 гол соқты.