"Ақтөбе" Чемпиондар лигасында "Ромамен" жолығады
Қазақстанның әйелдер футболындағы мақтанышы — "Ақтөбе" алдағы Чемпиондар лигасының іріктеу кезеңінде "Рома" командасына қарсы алаңға шығады.
Іріктеу шағын турнир форматында өтеді
Форматқа сәйкес, алғашқы раунд шағын турнир ретінде ұйымдастырылады. Бұл кезеңде төрт команда бақ сынайды:
- Жартылай финал 1: “Ақтөбе” – “Рома” (Италия)
- Жартылай финал 2: “Спарта” (Прага, Чехия) – “Норшелланн” (Дания)
Жеңімпаздар финалға, ал жеңілгендер үшінші орын үшін матчқа шығады. Жартылай финал ойындары 27 тамызда, ал финал мен 3-орынға талас 30 тамызда өтеді.
Топ жеңімпазы Чемпиондар лигасының үшінші іріктеу кезеңіне жолдама алады.
Ерлер командасы – Еуропа лигасында
Айта кетейік, “Ақтөбе” клубының ерлер командасы да еурокубоктық маусымды бастауға дайын. Олар Еуропа лигасының алғашқы іріктеу кезеңінде Польшаның “Легия” клубымен кездеседі.
Егер ақтөбеліктер бұл кездесуде жеңілсе, Конференциялар лигасының екінші раундында Праганың “Спартасымен” жолығуы мүмкін.