"Тұраннан" бір күнде 12 легионер мен бас бапкер кетті
Түркістандық клуб жаңа басшы, жаңа бапкер және жаңа құраммен екінші айналымға шығуға бел буды.
“Тұран” ФК ауқымды өзгерістер болды. Клубтың ресми Instagram парақшасында жарияланған мәліметке сәйкес алдымен клубтың басшылық құрамы жаңарды.
- Атқарушы директор Әлібек Нұртаев қызметінен кетсе,
- Спорт директоры Ернұр Сапарбаев лауазымынан босатылды.
- Олардың орнына директорлыққа Дінмұхамед Махимов тағайындалды.
Жаттықтырушылар штабы ауысты
Клуб бапкерлік штабпен де де қоштасты. Беларусь маманы Виталий Жуковский бастаған штабпен келісім тоқтатылып, Әбдухалық Бөрібаев жаңа бас бапкер ретінде команда тізгінін қолға алды. Қазір клуб жаңа ойыншылармен келіссөздер жүргізіп, құрамды қайта жасақтау үстінде.
12 легионермен қоштасу
Команда бірден 12 шетелдік ойыншымен қоштасты:
Беларусь:
- Егор Хаткевич (қақпашы),
- Руслан Юденков,
- Игорь Стасевич,
- Василий Совпель (жартылай қорғаушылар);
Өзбекстан:
- Шохбоз Умаров,
- Бехрузбек Аскаров (жартылай қорғаушылар),
- Хуршид Мухторов,
- Одил Абдумажидов (қорғаушылар);
Черногория:
- Йован Пайович (қорғаушы),
- Горан Милойко (жартылай қорғаушы);
Ресей:
- Константин Дорофеев,
- Лука Згурский (шабуылшылар).
Осы ойыншылардың ішінен Хаткевич, Милойко, Дорофеев, Совпель, Юденков және Стасевич “Атырау” клубына ауысып кетті. Сонымен қатар “мұнайшылар” құрамын бірнеше жас қазақстандық ойыншы және Ливияда ойнаған Жоэль Каямба толықтырды.
“Атырауда” да өзгеріс
“Атырау” клубында да кадрлық ауыс-түйіс болды. Бас бапкер қызметіне Виталий Жуковский қайта оралды (Денис Мамоновтың орнына), спорт директоры қызметіне Қуаныш Қабдолов тағайындалды.
Турнирлік кесте
- “Тұран” 13 турдан кейін 11 ұпаймен 12-орында келеді.
- “Атырау” 15 матчтың қорытындысы бойынша небәрі 4 ұпаймен соңғы орында тұр.