"Челси" бразилиялық сұрмергенді сатып алды (ВИДЕО)
"Ақсүйектер" жазғы трансфер терезесін тарсылдатып ашты. Ағылшын Премьер-Лигасының (АПЛ) алпауыт клубы бразилиялық шабуылшы Жоао Педроны қатарға қосты. Ол бұған дейін "Брайтон" сапында өнер көрсеткен.
Лондонның жаңа үміті — Жоао Педро
Ресми ақпаратқа сәйкес, 23 жастағы форвардпен келісімшарт 2033 жылға дейін жасалды. Педро енді "Челси" шабуыл шебінде маңызды рөл атқарады деп күтілуде.
Клубтық әлем чемпионатында дебют жасайды
Жоао Педро "Челсидегі" алғашқы ойынын 5 шілде күні "Палмейрасқа" қарсы өткізеді. Бұл — клубтық әлем чемпионатының ширек финалдық матчы. Бас бапкер бразилиялық жаңа ойыншыға үлкен үміт артып отыр.
2024/25 маусымында қандай нәтиже көрсетті?
Өткен маусымда Жоао Педро АПЛ-да 27 матчқа қатысып, 10 гол соғып, 6 нәтижелі пас берген. Сонымен қатар Англия кубогының үш кездесуінде бір голдық паспен көзге түсті.
Оның жасына қарамастан тәжірибесі жеткілікті. Шапшаңдығы, дриблингі мен шешуші сәттердегі суыққандығы лондондықтардың шабуылын жаңа деңгейге көтеруге себеп болуы мүмкін.
Трансфер бағасы — €58,5 миллион
Лондондық клуб бразилиялық шабуылшы үшін 58,5 миллион еуро төледі. Бұл — ағылшын футболындағы ірі келісімдердің бірі. Мұндай сома Жоао Педроға артылған сенімді аңғартады.