Шымкенттік "Ордабасы" ФК Конференциялар лигасының бірінші іріктеу кезеңіндегі алғашқы ойынына дайындықты бастады. Команда Грузияның Кутаиси қаласына қонып, жергілікті "Торпедоға" қарсы матч алдында бой жазуда.
Клуб Instagram желісінде “Сәлем, Кутаиси!” деген жазумен бейнежазба жариялады. Кадрларда команданың толық құрамымен халықаралық әуежайдан шыққан сәті түсірілген. Жанкүйерлер үшін бұл кадрлар футболшылардың көңіл күйі мен дайындығын байқатады.
Бұл ойындар UEFA Конференциялар лигасының алғашқы іріктеу кезеңінің бөлігі болып табылады.
Айта кетейік, Конференциялар лигасында “Ордабасыдан” бөлек, “Астана” да сынға түседі. Алайда елордалық клуб турнирді екінші іріктеу кезеңінен бастайды. Олар Молдованың “Зимбру” ұжымымен кездеседі.