Қазақстан Англиямен өтетін матчты күтпеген қалада өткізетін болды
Қазақстан U-21 құрамасы Англиямен өтетін маңызды іріктеу матчын Ақтөбеде өткізетін болды! Еуропа чемпионатына жолдама беретін кездесудің Алматы не Астанада емес, өңірлік қалада өтуі жанкүйерлерді таңғалдырды.
Еуропа футбол қауымдастықтары одағы (УЕФА) 2027 жылғы U-21 Еуропа чемпионатының іріктеу кезеңі аясындағы Қазақстан мен Англия жастар құрамалары арасындағы матч қай қалада өтетінін ресми түрде растады. Бұл туралы KFF.kz хабарлады.
Матч қайда өтеді?
Қазақстан футбол федерациясы (ҚФФ) УЕФА-мен келісіп, АҚТӨБЕ қаласын матчты қабылдайтын ресми алаң ретінде бекітті. Ұсыныс қабылданып, бекітілді.
Қашан өтеді?
Қазақстан U-21 құрамасы мен Англия U-21 құрамасының кездесуі:
- Күні: 8 қыркүйек 2025 жыл
- Өтетін орны: Ақтөбедегі Қобыланды батыр атындағы Орталық стадион
Тосын локация
Англия сияқты футбол алпауытымен өтетін маңызды матчтың Астана немесе Алматыда емес, Ақтөбеде өтуі көпшілікті таңғалдырды. Бұл шешім Қазақстан футболының өңірлерге бет бұрып жатқанының белгісі болуы да мүмкін.