"Ақтөбе" ФК ресми түрде бас бапкер Вячеслав Левчукпен келісімшартты бұзды. Бұл шешім команданың соңғы нәтижелері мен ішкі ахуалына байланысты қабылданғанын клубтың баспасөз қызметі хабарлады.
Премьер-лигаданың соңғы турында "Ақтөбе" Семейде "Елімайға" есе жіберді. Бұл сәтсіздік Левчукке қатысты тағдырлы шешім қабылдауға түрткі болды.
"Вячеслав Дмитриевич Левчук атқарып отырған қызметінен босатылды. Бұл шешім соңғы нәтижелер мен команданың ішкі жағдайына байланысты қабылданды. Клуб ұжымы Вячеслав Левчукке атқарған еңбегі үшін алғыс білдіреді және болашақ мансабында табыс тілейді", – делінген ресми хабарламада.
Вячеслав Левчук мамыр айыда "Ақтөбе" тізгінін ұстаған еді. Алайда бес айға жетпей, бапкерлік миссиясы аяқталды.
Клуб жаңа бапкерді іздеуге кірісуі мүмкін. Маусымның қалған бөлігі үшін міндеттер мен мақсаттар қайта қаралады.