«Қайраттың» Чемпиондар лигасына өту мүмкіндігі есептелді
Оның пікірінше, шешуші матчта кез келген команда тарих жасай алады.
Белгілі қазақстандық футбол маманы Алмас Құлшынбаев Sports.kz сайтына Алматының «Қайрат» клубы мен Шотландияның «Селтигі» арасындағы плей-офф кезеңіндегі мүмкіндіктер жайлы ойымен бөлісті.
Шанс – тең дәрежеде
Құлшынбаевтың айтуынша, екі команданың да Чемпиондар лигасының топтық кезеңіне өту мүмкіндігі 50 де 50 пайыз:
«Шешуші ойын кез келген жаққа бұрылуы мүмкін. «Селтик» – өте мықты қарсылас, бірақ мен «Қайраттың» келесі кезеңге шығатынына сенемін. Командаға және досым Рафаэль Уразбахтинге алдағы ойында сәттілік тілеймін! Бүгін «Қайрат» тарих жасайды деп үміттенемін», – деді маман.
Матч уақыты
Еске сала кетейік, Чемпиондар лигасының плей-офф кезеңіндегі жауапты матч бүгін Алматыда өтеді. Кездесу жергілікті уақытпен 21:45-те басталады. Алғашқы ойын Шотландияда өтіп, 0:0 есебімен тең аяқталған еді.