"Қайрат" – "Реал" матчының билеттерін қайдан және қалай сатып алуға болады?

“Қайрат” – “Реал” қашан және қайда өтеді?

Кездесудің нақты күні әзірге жарияланған жоқ. Әдетте билеттер сатылымы ойынға бір ай қалғанда басталады. Сондықтан ресми хабарламаларды мұқият қадағалау маңызды.

Билеттерді қайдан сатып алуға болады?

Алаяқтық пен алыпсатарлықтан сақтану үшін тек ресми арналарды пайдаланыңыз:

• Qairat SuperApp қосымшасы
• “Қайрат” ФК ресми сайты (“Билеттер” бөлімі)
• Freedom SuperApp (“Билеттер” бөлімі)
• Ticketon.kz сайты

Кеңес: алдын ала барлық платформаларда тіркеліп алыңыз.

Билеттер сатылымының басталуын қайдан білеміз?

Клуб билеттердің сатылымға шыққанын ресми түрде хабарлайды:

• “Қайрат” ФК ресми сайтында
• Telegram-арнасында
• Instagram парақшасында

Ескерту: push-хабарламалар әрқашан жетпейді, сондықтан дереккөздерді өзіңіз тексерген дұрыс.

Билеттерді сатып алу тәртібі

• Сатылым басталғанда виртуалды кезек қалыптасады. Ол кездейсоқ тәртіппен құрылады.
• Бос орындар санаулы минуттарда өтіп кетуі мүмкін, сондықтан әрекетіңіз жылдам болуы шарт.
• Төлем онлайн жүргізіледі, билет электронды түрде келеді.
• Ең төменгі баға шамамен 3 000 теңгеден басталады, бірақ “Реалға” қарсы матчта тариф жоғары болады деп күтілуде.

Маңызды нюанстар

• Qairat SuperApp-тағы QR-код ойын басталардан бірнеше сағат бұрын ғана белсендіріледі.
• Ticketon мен клуб сайтынан алынған билеттер поштаға тек матч күні келеді.
• Әлеуметтік желілердегі скриншот немесе көшірме билеттер жарамсыз.

Алыпсатарлардан қауіп 

Сатылым басталғаннан кейін OLX және басқа платформаларда ондаған жалған хабарландыру пайда болады. Билеттер бірнеше есеге қымбаттап, кейде бір билет бірнеше адамға сатылуы мүмкін.

“Қайраттың” ескертуі: стадионға тек жеке деректері (ЖСН/паспорт) расталған жанкүйерлер ғана кіре алады.

Жанкүйерлерге кеңестер

• Барлық аккаунттарыңызды алдын ала дайындаңыз;
• Сатылым басталардан 10–15 минут бұрын жүйеге кіріп отырыңыз;
• Картаңызды немесе Kaspi/Freedom Pay-ды қасыңызда ұстаңыз;
• Бірнеше құрылғыны қатар қолданыңыз (телефон + компьютер);
• Ешқашан алыпсатарлардан билет алмаңыз!