Андре Онана енді Түркия чемпионатында ойнайды
Камерундық қақпашы Андре Онана «Манчестер Юнайтедтен» «Трабзонспорға» жалға өтті. Келісім 2026 жылдың жазыңа дейін жалғасады. Түркиялық клубтың ресми парақшасындағы хабар жанкүйерлер арасында қызу талқыға түсті.
«Трабзонспор» өзінің әлеуметтік желідегі ресми парақшасында Онананың жалға алынғанын хабарлады. Келісім-шарт маусым-2025/2026 соңына дейін есептелген. Бұған қоса, түрік клубының ойыншыны толық сатып алу құқығы жоқ екені де белгілі болды.
МЮ және Интер кезеңі
Онананың жолы 2023 жылы «Интерден» «Манчестер Юнайтедке» ауысқан сәттен бастап ерекше назарда болды. Сол уақыттан бері ол «қызыл шайтандар» сапында барлық турнирде 102 ойын өткізді. Оның ішінде 24 матчта қақпасын құрғақ сақтап, 150 гол жіберіп алған.
АПЛ аясында ғана 72 матч өткізіп, 102 гол жіберген статистикасы көпшіліктің талқысына түсті. Дегенмен, оның тәжірибесі мен «нөлге» ойнаған кездесулері оның әлеуетін дәлелдейді.
Нарықтық құны
Transfermarkt порталының деректеріне сүйенсек, Андре Онананың қазіргі нарықтық бағасы €25 млн. Бұл «Трабзонспор» үшін жоғары деңгейдегі қақпашыны жалға алу мүмкіндігін пайдаланудың тиімді жолы болып отыр.
«Трабзонспордың» амбициясы
Соңғы жылдары түрік клубы ірі мақсаттар қойып, күшейтуге ерекше назар аударып келеді. Онананың келуі – Еуропа аренасындағы табысқа деген үлкен қадам. Жанкүйерлер команда қорғанысының айтарлықтай нығаятынына сенімді.
Басты сынақ
Онана үшін негізгі міндет – Англияда кеткен қателіктерін қайталамау. Егер ол тұрақты ойынымен көзге түссе, Түркия чемпионатындағы ең сенімді қақпашылардың біріне айналары сөзсіз.