Чемпиондар лигасының кезекті ойынында күтпеген қызықты сәт тіркелді. Лиссабонның «Бенфикасы» «Челсиге» қарсы матчта 0:1 есебімен жеңіліп қалды. Алайда бұл нәтиже португалиялық клубтың бас бапкері Жозе Моуриньюның көңіл-күйін түсірген жоқ. Керісінше ол баспасөз мәслихатында күлкі шақыратын әрекет жасады.
Ойыннан кейінгі кездесуде тәжірибелі маман күліп тұрып, залдағы әріптесіне:
«Менің сүйікті печеньем қайда?» – деп сауал қойды.
Бұл жердегі әңгіме – лондондық «Челсиде» ұзақ жылдар қызмет атқарған Брайан Пуллман туралы еді. Ол клубта 56 жыл жұмыс істеп, 2024 жылы зейнетке шыққан. Бірақ сейсенбі күні арнайы «Стэмфорд Бриджге» келіп, Моуриньюге оның сүйікті тәттісін жеткізуді ұмытпаған.
Журналистер залына кірген Пуллман дастарқан сүлгісін ашып, ондаған кремді печеньені көрсетті. Португалиялық бапкер әуелі екеуін алды, кейін орнынан тұрып бара жатып қалғанын түгел өзімен бірге алып кетті.