“Барселонада” жалға ойнап жүрген Ағылшын шабуылшысы Маркус Рэшфорд өзінің болашағы туралы пікірін білдірді.
Өткен жазда ол “Манчестер Юнайтедтен” Каталондық клубқа маусым соңына дейін жалға ауысқан болатын.
Euro-football.ru хабарлауынша, Рэшфорд енді “Барселонада” тұрақты түрде қалуды қалайды. Сұхбат барысында 27 жастағы футболшы өзінің өмірінің 23 жылын “Манчестер Юнайтедке” арнағанын айтып өтті.
“Кейде өзгеріс қажет болады. Бұған дейін “Барселонаға” ауысу мүмкіндіктері болған, бірақ түрлі себептермен ол іске аспады. Енді мен осы мүмкіндікті барынша пайдаланғым келеді.” — деді Рэшфорд.
Ағымдағы маусымда Маркус Рэшфорд бас бапкер Ханс-Дитер Флик басқарған “Барселонаның” сапында 12 матчқа қатысып, 5 гол соғып, 6 нәтижелі пас берген.
Осылайша Рэшфорд “Барселонада” қалу — өзінің басты мақсаты екенін ашық мәлімдеді.