Әзірге тек жасөспірімдер құрамасында.
15 жастағы Криштиану Роналдудың ұлы Португалияның U-16 жасөспірімдер құрамасы сапында алғаш рет алаңға шықты. Бұл оқиға Антальяда өткен Түркияға қарсы матчта болды, кездесу португалиялықтардың 2:0 есебімен жеңісімен аяқталды.
ESPN дерегінше, Португалия құрамасына жеңісті «Спортинг» ойыншысы Самуэль Тавареш пен «Брага» футболшысы Рафаэль Кабралдың голдары сыйлады. Ал Роналдуның ұлы қосымша уақытта алаңға шыққан. Ол қазіргі таңда «Аль-Наср» академиясында шабуылшы позициясында өнер көрсетеді.
Бұл матч — Португалия U-16 құрамасы Түркияда өткізетін Federations Cup Tournament турниріндегі үш кездесудің алғашқысы. Келесі ойындар 1 қараша, сенбі күні Уэльспен, және 3 қараша, дүйсенбі күні Англиямен өтеді.
Айта кетсек, биыл Роналдуның ұлы Португалияның U-15 құрамасы сапында да ойнап, гол соққан болатын.