Бакуде Чемпиондар лигасының төртінші турындағы ойын нағыз сенсациямен аяқталды. Әзербайжанның «Қарабах» клубы өз алаңында ағылшын алпауыты лондондық «Челсимен» тең ойнап (2:2), жанкүйерлерді таңғалдырды.
Ойынның алғашқы минуттарынан-ақ фаворит саналатын «Челси» басымдықты өз қолына алуға тырысты. Кездесудің 16-минутында Эстевао ағылшын клубын алға шығарды. Алайда бар болғаны 13 минут өткен соң, «Қарабах» ойыншысы Леандру Андраде есепті теңестірді.
Бірінші таймның соңына қарай, 39-минутта Марко Янкович пенальтиден мүлт кетпей, бакуліктерді алға шығарды. Бірақ екінші таймның басында Алехандро Гарначо өз командасын құтқарып, матчтың соңғы есебін белгіледі — 2:2.
Төрт турдан кейін екі команда да өз активінде жеті ұпайдан жинап отыр. Бұл нәтиже топтағы жағдайды барынша шиеленістіре түсті.