ҚПЛ клубы Асхат Тағыбергенге көз тікті

Павлодардың «Ертісі» тәжірибелі жартылай қорғаушы Асхат Тағыбергенді қатарына қоспақ. Бұрын «Тобылдың» көшбасшысы болған 35 жастағы футболшы қазір еркін агент ретінде өзіне жаңа жаңа клуб іздеуде.

Match KZ Telegram-арнасының дерегінше, «Ертіс» Асхат Тағыбергенмен келіссөз жүргізуге ниетті. Павлодарлық клуб жаңа маусым алдында сапын күшейтіп, тәжірибелі ойыншыларға ставка жасағысы келеді.

Асхат Тағыберген жуырда «Тобылмен» келісімшартын тоқтатып, еркін агент атанды.

Өткен маусымда Асхат Тағыберген Қазақстан Премьер-Лигасында 21 матч өткізді, ол:

• 2 гол соқты,
• 2 нәтижелі пас берді,
• және ортаңғы сызықта команданың тактикалық тепе-теңдігін сақтауда маңызды рөл атқарды.