Тони Кроос орденмен марапатталды

«Реал Мадридтің» бұрынғы жартылай қорғаушысы Тони Кроос Германияның ең жоғары марапаттарының бірі — «ФРГ алдындағы еңбегі үшін» орденінің Рыцарлық крестімен наградталды. Салтанат «Сантьяго Бернабеу» аренасында өтті.

Марапатты футболшыға Германия президенті Франк-Вальтер Штайнмайердің жеке өзі тапсырды. Салтанатты шараға сондай-ақ, «Реал» президенті — Флорентино Перес, бас бапкер — Хаби Алонсо және команда ойыншылары — Федерико Вальверде және Антонио Рюдигер қатысты.

Тони Кроостың мансабы

2024 жылы кәсіби мансабын аяқтаған Тони Кроос — Германия және әлем футболының аңыздарының бірі.

Негізгі жетістіктері:

• 2014 жылғы әлем чемпионы
• Чемпиондар Лигасының 5 дүркін жеңімпазы
• Тарихта алты мәрте Клубтық Әлем Чемпионы атанған жалғыз ойыншы
• Германия және Испания біріншіліктерінің чемпионы
• Еуропа және әлем аренасындағы ондаған жеке және командалық наградалар иесі

Статистикасы:

• 754 ресми матч
• 73 гол
• 166 нәтижелі пас