«Қайрат» – «Олимпиакос» матчына билеттер сатылымға шықты

UEFA Чемпиондар Лигасының жалпы кезеңі аясында өтетін «Қайрат» – «Олимпиакос» матчына билеттер ресми түрде сатылымға шықты. Ойын 2025 жылдың 9 желтоқсанда «Астана Аренада» өтеді.

Freedom Ticketon мәліметінше, билет сатып алу үшін әр жанкүйер мына деректерді көрсетуі тиіс:

• ЖСН,
• мобильді телефон нөмірі,
• электронды пошта мекенжайы.

Бір қолданушы екі билеттен артық сатып ала алмайды, ал төлем бір ғана банк картасы арқылы жүзеге асырылады.

Сатып алу аяқталғаннан кейін:

• матч күні SMS-хабарлама келеді;
• көрсетілген e-mail мекенжайына QR-билет сілтемесі жіберіледі.

Билеттер тек ресми мобильді қосымшалар арқылы рәсімделеді. Атап айтқанда, Freedom SuperApp және Qairat SuperApp-та. Осы ретте, ұйымдастырушылар жанкүйерлерге бейресми сатушылардан билет алмауды ескертеді.

Еске салайық, «Қайрат» Чемпиондар лигасындағы соңғы ойында «Копенгагенге» 3:2 есебімен есе жіберді.