Италиялық танымал журналист Джанлука Ди Марцио «Қайрат» шабуылшысы Дастан Сәтпаевты Еуропа футболының болашағының бет-бейнесі деп атады.
Белгілі инсайдердің сайтында қазіргі маусымдағы Чемпиондар лигасы мен УЕФА Жастар лигасында өзін көрсете білген жас ойыншыларға арналған материал жарияланды. Сәтпаевтан бөлек, мақалада шабуылшы Виктор Дадасон («Копенгаген»), жартылай қорғаушы Леннарт Карл («Бавария») және вингер Макс Дауман («Арсенал») да аталды.
«Олардың голдары мен ойыны — жеке жарқыл емес, егжей-тегжейге негізделген өсімнің белгісі: күтілетін жауапкершілік, бірден берілетін әсер, жас ойыншыларға сенім артылатын атмосфера. Енді олар өз шешімдерінің батылдығы қалай ақталып жатқанын көріп отыр, әрі ең үздігі әлі алда деген сезім бар. Дадасон, Сәтпаев, Карл және Дауман даму траекториясында ұқсас жолмен келе жатыр: ерте қалыптасқан пісіп-жетілу, футболға деген ашқалық және алға шығудағы таңғаларлық жеңілдік. Олар алаңға шығып, гол соғады, ойынға әсер етеді — көпжылдық тәжірибесі бардай. Бұл буын өз сәтін күтпейді — оны өзі жасайды. Егер бұл тек бастамасы болса, онда болашақ — әлі келетін нәрсе емес, қазір көз алдымызда қалыптасып жатқан құбылыс», — делінген материалда.
Естеріңізге салсақ, 17 жасар Дастан Сәтпаев биылғы маусымда керемет статистикамен көзге түсуде. Жалпы барлық турнирлерде жас шаубылшы 41 ойын өткізіп, 19 гол және 7 ассистпен көзге түсті. Чемпиондар лигасыда өткен соңғы ойында Дастан негізгі кезеңде алғашқы голын салып, ең жас гол салған топ-3 ойыншылар тізіміне енді.