Егер тараптар келісімге келсе, ол футболшы ретіндегі мансабын бірден аяқтамақ екен.
Алматылық «Қайрат» клубында ойнаған қорғаушы Сергей Политевич Беларусьтің «Торпедо» клубының спорт директоры қызметіне тағайындалуы мүмкін. Бұл туралы KazFootball.kz хабарлады.
Басылымның мәліметіне сәйкес, 35 жастағы Сергей Политевич аталған лауазымға тағайындалуға өте жақын. Егер тағайындау ресми түрде бекітілсе, ол кәсіби футболшы ретіндегі мансабын аяқтап, толықтай клуб құрамын жасақтауға және жаңа маусымға дайындыққа жауапты болады.
Айта кетейік, Сергей Политевич Алматының «Қайрат» клубында 2018–2019 жылдары өнер көрсетті. Осы кезеңде ол команда сапында 17 матч өткізіп, қорғаныста сенімді ойнымен танылған.