«Ливерпуль» және «Арсенал» 85-90 миллион еуро жұмсауға дайын.
«Ливерпуль» және «Арсенал» қысқы трансфер терезесінде клубтан кетуі мүмкін «Реал Мадридтің» шабуылшысы Родриго Гоеске ұсыныс дайындап жатыр. «Лос-Бланкос» басшылығы 24 жастағы ойыншының трансфер құнын 85-90 миллион еуроға бағалап отыр.
Родриго осы маусымда барлық жарыстарда 15 матчта ойнап, екі нәтижелі пас берді. 1 желтоқсанда Ла Лигада «Жиронаға» қарсы матчта ол «Реал Мадридтің» қатарынан 30 матчында гол соға алмай, клуб рекордын орнатты.
Ойыншының «Реал Мадридпен» қазіргі келісімшарты 2028 жылдың жазына дейін жарамды. Transfermarkt мәліметтері бойынша, оның нарықтық құны 80 миллион еуро.