Қазақ футболындағы тәжірибелі маман Дмитрий Огай Қарағандының «Шахтер» клубына бас бапкер болып ресми тағайындалды. Бұл шешім клубтың бүгінгі баспасөз мәслихатында жарияланды.
Бұған дейін Огайдың алдына команданы Қазақстан Премьер-лигасына қайта шығару міндеті қойылатыны айтылған.
Еске салайық, өткен маусымда «Шахтер» Бірінші лигада төртінші орынмен шектелді. Қарағандылық клуб — Қазақстанның екі дүркін чемпионы, сондай-ақ 2013/2014 маусымындағы Еуропа лигасының негізгі кезеңінде ойнаған алғашқы қазақстандық команда ретінде тарихта қалған.
65 жастағы Дмитрий Огай Қазақстанда түрлі клубтарды жаттықтырған: «Ертіс», «Тобыл», «Қайсар», «Жетісу» және басқа да командалар. Шетелде ресейлік «Урал» мен «Нефтехимикті» басқарған. Соңғы жұмыс орны — «Жетісу» (2017–2020).