Бақтиер Зайнутдинов көшбасшылық орнынан айырылды

Ресей Премьер-лигасында (РПЛ) өнер көрсететін ең қымбат қазақстандық футболшы тізімі өзгерді. Осы уақытқа дейін алғашқы орында келген Бақтиер Зайнутдинов енді көшбасшылық орнын басқа отандастарымен бөлісуге мәжбүр. Бұл туралы Aladop.kz хабарлады. 

Transfermarkt порталы жаңартқан деректерге сәйкес, Зайнутдиновтың нарықтық бағасы 300 мың еуроға төмендеп, қазіргі таңда 2,5 миллион еуро болып отыр. Осылайша, ол РПЛ-дегі ең қымбат қазақстандық футболшы статусынан айрылды.

Үш футболшы — бірдей құн

Жаңартылған тізімде Ресей чемпионатындағы ең қымбат қазақстандық ойыншылардың үшеуінің де трансферлік құны теңесті.

1. Бақтиер Зайнутдинов («Динамо»)

• Нарықтық құны: 2,5 млн еуро
• Өзгеріс: –300 мың еуро

2. Нұралы Әліп («Зенит»)

• Нарықтық құны: 2,5 млн еуро
• Өзгеріс: жоқ
• Қазақстан құрамасының капитаны өз бағасын сақтап қалды

3. Максим Самородов («Ахмат»)

• Нарықтық құны: 2,5 млн еуро
• Өзгеріс: жоқ