Небәрі $60! ФИФА ӘЧ-2026 матчтарына арзан билет ұсынды

ФИФА 2026 жылғы футболдан әлем чемпионатына арналған жанкүйерлер үшін жаңа билет санатын іске қосқанын мәлімдеді. Бұл туралы ұйымның ресми сайтында жарияланды.

Жаңа билет түрі «ең адал жанкүйерлерге арналған билет» деп аталады. Оның бағасы — 60 АҚШ доллары. Бұл билеттер турнир аясындағы барлық 104 матчқа, оның ішінде финалдық ойынға да қолжетімді болады.

Билеттерді ұлттық федерациялар таратады

Аталған билеттерді сатумен және үлестірумен ұлттық футбол қауымдастықтары айналысады. Әр федерация:

• өтінім беру тәртібін;
• іріктеу шарттарын;
• кімдерге басымдық берілетінін

өз бетінше анықтайды. ФИФА-ның хабарлауынша, ең арзан билеттер өз құрамасының ең адал жанкүйерлеріне беріледі деп күтілуде.

20 миллионнан астам өтінім тіркелді

ФИФА мәліметінше, билеттерді кездейсоқ жеребе арқылы бөлу кезеңінде 20 миллионнан астам өтінім түскен. Бұл әлем чемпионатына деген қызығушылықтың өте жоғары екенін көрсетеді.

Түскен табыс футболды дамытуға бағытталады

Әлем чемпионатынан түсетін қаржы:

• ерлер футболын;
• әйелдер футболын;
• жасөспірімдер футболын дамытуға бағытталмақ.

Айта кетейік, ЧМ-2026 Өзбекстан құрамасы үшін тарихи турнир болмақ. Өзбек футболшылары алғаш рет әлем чемпионатына жолдама алып отыр.