Легионерлер қаптай ма? Боранбаев жекешелендірудің басты “эффектісін” айтты

Қайрат Боранбаев: «Бәсеке күшейсе — футбол да ұтады»

Боранбаевтың айтуынша, клубтарды жеке меншікке беру — нарықтағы әділ бәсеке қалыптастыруға мүмкіндік береді. Оның пікірінше, мұндай қадам отандық футболдың сапасын арттыруға жол ашуы тиіс. Бұл туралы «Дядя Ваня» Telegram-арнасы жазады. 

«Бұл — өте жақсы! Біз салауатты бәсекені қолдаймыз. „Қайрат“ футбол клубы — жекешелендіруді қолдайды. Неге болмайды? Ең мықтысы жеңсін. Ең бастысы, осындай бәсекенің арқасында бізде жақсы футболшылар пайда болады. Тек қазақстандық емес, легионерлер де келеді. Бұдан біздің футбол тек ұтады», — деді Боранбаев.

Биыл қай клубтар жекешелендірілді?

Еске салайық, 2025 жылы бірқатар клуб жеке қолға өткен:

• «Қайсар»
• «Қызылжар»
• «Жеңіс»
• «Шахтер»
• «Ақтөбе» жекешелендірудің аяқталу кезеңінде.