Анарбеков пен Қалмырзаның «құпиясы» белгілі болды

Сейсен: «Чемпиондар лигасында жұмыс көп болады»

YouTube-тегі Fonteam арнасы жүргізушісінің «Неге қақпашылардың ойыны күрт жақсарды?» деген сұрағына Сейсен деңгейі жоғары қарсыластармен ойнаудың әсері барын алға тартты.

— «Қайраттың» Чемпиондар лигасындағы ойындарынан кейін қақпашыларға қатысты сенсация басталды. Неге голкиперлер осынша мықты ойнай бастады?

— Меніңше, Чемпиондар лигасында өте күшті командаларға қарсы ойнайсың, сол кезде бізде жұмыс өте көп болады. Себебі де — осы. Құрамада да жұмыс аз емес, — деді Мұхамеджан Сейсен.

Еурокубоктағы жарқыл: Анарбеков пен Қалмярза назарда

Айта кетейік, биылғы маусымда «Қайрат» қақпашылары Темірлан Анарбеков пен Шерхан Қалмырза еурокубок матчтарында кеңінен талқыланды. Екеуі де алматылық клуб сапында Чемпиондар лигасы кездесулеріне қатысып, көзге түсті.

Темірлан Анарбеков (22 жаста)

• УЕФА нұсқасы бойынша матчтың үздік ойыншысына берілетін жүлдені алған алғашқы қазақстандық футболшы атанды;
• Оның бірқатар сейві Чемпиондар лигасының ең үздік құтқарулар тізіміне енді.

Шерхан Қалмырза (18 жаста)

• «Спортингтен» (1:4) және «Реалдан» (0:5) жеңілген ойындарға қарамастан, әлеуметтік желідегі көрсеткішімен ерекшеленді;
• Нәтижесінде Instagram платформасында Қазақстандағы ең танымал футболшы атанды.