Қазақстан құрамасының жартылай қорғаушысы Ғалымжан Кенжебек әлеуметтік желіде жазба жариялап, бүгін ресми түрде қош айтысқан «Елімайға» деген ықыласын өзгеше түрде білдірді.
22 жастағы вингер Instagram парақшасында семейлік клуб жейдесіндегі ойындарынан құралған қысқа видео жүктеген. Кенжебек бұл бейнероликті ұзақ мәтінмен емес, жүрекше эмодзилермен ғана сүйемелдеп, алғысын астарлап жеткізді. Бұл қадам жанкүйерлер үшін де түсінікті белгі болды. Футболшы өзін қабылдаған клубқа ризашылығын дәл осылай көрсетті.
Айта кетейік, Ғалымжанның «Елімайға» келуі Еуропадағы сәтсіздеу кезеңнен кейін жаңа серпін бергені көпшілікке белгілі.
Бүгін семейлік клуб ойыншының командадан кеткенін ресми түрде жариялаған. Кенжебек «Елімайға» биыл шілде айында словакиялық «Кошицеден» ауысқан еді.
Ол ҚПЛ-дың өткен маусымында:
Бұл статистика оның «Елімайдағы» кезеңі қысқа болса да, нәтижелі болғанын аңғартады.
Ресейлік БАҚ-тағы мәліметтерге сүйенсек, қазақстандық футболшының келесі клубы ретінде Грозныйдың «Ахматы» аталып жүр. Алайда әзірге бұл ақпарат ресми түрде расталған жоқ.