Өткен маусымда Азат Нұрғалиев «Қызылжар» клубында бас бапкердің көмекшісі болып қызмет еткен болатын.
Қазақстан ұлттық құрамасының бұрынғы капитаны Азат Нұрғалиев алдағы маусымда «Академия Оңтүстік» футбол клубының бас бапкері қызметін атқарады. Бұл туралы AmanVIBE хабарлады.
Шымкенттік клубты тізгіндейтін маман үшін бұл – бас бапкер ретіндегі маңызды кезең. Айта кетейік, Азат Нұрғалиевтің өзі де Шымкент қаласының тумасы.
2025 жылғы маусым қорытындысы бойынша «Академия Оңтүстік» Қазақстанның Бірінші лигасында жетінші орынға тұрақтады. Жаңа бапкерден команда нәтижесін жақсарту күтіліп отыр.
Өткен маусымда Азат Нұрғалиев петропавлдық «Қызылжар» клубында бас бапкердің көмекшісі ретінде жұмыс істеді. Енді ол толық жауапкершілікті өз мойнына алып, дербес командамен жұмысын бастамақ.
Футболшы ретіндегі мансабында Азат Нұрғалиев Қазақстанның бірқатар жетекші клубында өнер көрсетті.