Алматының "Қайрат" ФК Лондонға жақын орналасқан Кобхэмдегі "Челсидің" жаттығу орталығында болды.
Сапар барысында “Қайрат” өкілдеріне “Челсидің” жаттығу кешені таныстырылды. Экскурсия бағдарламасына негізгі команданың базасы, жасөспірімдер академиясы және әйелдер командасының инфрақұрылымы кірді.
Сондай-ақ клуб басшылығы деңгейінде, жаттықтырушылар және медициналық штаб арасында жұмыс кездесулері ұйымдастырылды.
Қазақ клубының делегациясы “Челсидің” спорттық бағыттағы бөлімдерінің жұмысымен жақынырақ танысты. Атап айтқанда, төмендегі бағыттар қарастырылды:
Екі клубтың қақпашылар бапкерлері және медицина мамандары жеке кездесіп, жарақаттан кейін қалпына келу, сондай-ақ жоғары жүктемеден кейінгі реабилитация әдістері бойынша тәжірибе алмасты.
Жақын күндері “Қайраттың” бас бапкері Рафаэль Оразбахтин, бас бапкердің көмекшісі Артём Гавриленко және Академия жетекшісі Александр Котляр “Челси” базасында тағылымдамадан өтіп, клубтың ішкі жұмыс процесін терең зерделемек.