Астаналық "Жеңіс" құрамын тәжірибелі жартылай қорғаушымен толықтырды.
Клуб баспасөз қызметінің мәліметінше, команда бұрын Қазақстан құрамасында ойнаған әрі Италияның "Милан" жүйесінен өткен Александр Меркельмен келісімшарт жасасты.
33 жастағы футболшы соңғы маусымды Дубайдағы Legentus FC сапында өткізген. Енді ол Қазақстан чемпионатына жеті жылдық үзілістен кейін қайта оралып отыр. Дәл сол кезеңде Меркель ұлттық құрамаға шақырту алған еді.
Айта кетейік, Александр Меркель 15 пен 19 жас аралығында Германияның жастар құрамаларына шақырылған. Алайда ересектер деңгейінде халықаралық аренада Қазақстан атынан өнер көрсетуге шешім қабылдаған.
Меркель "Миланның" футбол мектебінде тәрбиеленген. 20 жасқа дейін негізгі командаға дейін көтеріліп, "россонерилер" сапында 13 матч өткізген. Дегенмен кейін негізгі құрамда тұрақтап қала алмады.
"Миланнан" кейін Меркельдің мансабы Еуропаның бірнеше клубымен байланысты болды. Ол әр жылдары:
Александр Меркель Қазақстан құрамасы сапында 3 матч өткізген. Бірақ кейін Қазақстан паспортының күшін жоғалтып, ұлттық командада ойнау мүмкіндігінен айырылған.
Меркельдің "Жеңісте" қай елдің құжатымен (қандай паспортпен) тіркелетіні әзірге нақты жарияланған жоқ.