Мадридтің "Реалы" Еуропада болашағынан зор үміт күттіретін жас футболшыларды бақылауын жалғастырып жатыр.
“Корольдік” клубтың қызығушылық танытып отырған футболшылардың бірі — 18 жастағы украиналық шабуылшы Артем Степанов. Қазір ол Нидерландтың “Утрехт” клубында жалға ойнап жүр. Ал ойыншының негізгі келісімшарты Германияның “Байер” командасына тиесілі.
Артем Степанов биылғы маусымда Нидерланд чемпионатында тұрақты ойын тәжірибесін алып келеді. Жас шабуылшы алаңда нәтижелі ойынымен көзге түсіп, Еуропаның бірқатар мықты клубтарының назарын аударған.
Оның ойынындағы тұрақтылық, шабуылды сәтті аяқтай білуі және шабуыл шебіндегі белсенділігі мамандар тарапынан жоғары бағаланып отыр.
Артем Степановтың бойы екі метрге жуық. Ол физикалық қуатымен, әуедегі доп үшін күрестегі басымдығымен және айып алаңындағы шабуылдарды сәтті түйіндеуімен ерекшеленеді.
Осы қасиеттеріне байланысты украиналық жас футболшыны “Манчестер Сити” шабуылшысы Эрлинг Холандпен салыстырып жүр. Яғни оның ойын мәнері мен шабуылдағы мінезі норвегиялық жұлдыздың стиліне ұқсас деп бағалануда.
Украиналық шабуылшы биылғы маусымда барлық турнирде 24 матчқа қатысып, 5 гол соқты және 2 нәтижелі пас берді.