Сәтпаевсыз ойнаған "Бернли" қатарынан жетінші матчта жеңе алмады
Дастан Сәтпаев жарақатына байланысты алаңға шыға алмай жүргенде, "Бернлидың" Англия Чемпионшипіндегі сәтсіз сериясы жалғасты.
"Суонси" бірінші таймда екі гол соқты
"Бернли" жетінші турда сырт алаңда "Суонсиге" 1:3 есебімен есе жіберді. Алаң иелері 14-минутта есеп ашты. Шабуылшы Адам Айда мергендігімен көзге түсті.
33-минутта малилік футболшы Мусса Йео "Суонсидың" басымдығын арттырды. Осылайша командалар үзіліске алаң иелерінің екі доп айырмасымен алда тұрған күйінде шықты.
Варди "Бернлиді" жеңілістен құтқара алмады
Екінші таймның 58-минутында Ларжи Рамазани есеп айырмасын қысқартып, қонақтарға үміт сыйлады. 65-минутта "Бернлидың" жаңа шабуылшысы Джейми Варди алаңға шықты. Бірақ атақты футболшы да командасына матчты құтқарып қалуға көмектесе алмады.
Үш минуттан кейін Жан Випотник "Суонсидың" үшінші голын соғып, қорытынды есепті белгіледі.
Дастан Сәтпаев "Челсиде" ем қабылдап жатыр
Қазақстандық шабуылшы Дастан Сәтпаев 2 қыркүйекте "Мидлсброға" қарсы өткен матчта жарақат алған. 1:1 есебімен аяқталған сол кездесуден кейін 18 жастағы футболшы емделу үшін "Челсидің" қарамағына оралды.
"Бернлидың" бас бапкері Ники Хайеннің айтуынша, Сәтпаев екі клубтың медициналық штабтары бірлесіп әзірлеген бағдарлама бойынша қалпына келіп жатыр. Қазақстандық ойыншы халықаралық үзілістен кейін қатарға қосылуы тиіс.
Жеті турдан кейін "Бернлидың" еншісінде небәрі үш ұпай бар. Команда Чемпионшиптің турнирлік кестесінде 24-орында тұр.
Ал 14 ұпай жинаған "Суонси" екінші сатыға көтерілді.