ФИФА рейтингі: Қазақстан нешінші орында?

Қазақстан құрамасы қыркүйек айында өткізген кездесулерінің қорытындысы бойынша Халықаралық футбол федерациясының (ФИФА) жаңартылған рейтингінде ұлттық команда 109-шы орнын сақтап қалды. 

Естеріңізге сала кетейік, Қазақстан футболшылары Ұлттар лигасы аясында екі матч өткізді. Алғашқысында Норвегиямен (0:0) тең тарқасса, екінші ойында Словенияда (0:3) жеңіліп қалды. 

Жалпы, ФИФА-ның жаңартылған рейтингінде үздік үштік те өзгеріссіз қалды. Аргентина көш басында қалса, Франция екінші орында тұр. Ал Испания үштікті түйіндеп тұр.