«Юнайтед» Тухельмен байланыс орнатты
«Манчестер Юнайтед» «Челсидің» бұрынғы бас бапкері Томас Тухельмен байланыста.
Қазіргі уақытта «Юнайтед» халықаралық үзіліс кезінде Эрик тен Хагты қызметінен босатуды жоспарламайтын сияқты — өткен сейсенбіде клуб басшыларының жеті сағаттық кездесуі қазіргі бас бапкерге қатысты ешқандай шешім шығармады.
Дегенмен, Тен Хагқа көрсетілген қысым үлкен, ал «қызыл сойқандардың» басшылығы команданың ойыны мен нәтижелерінің тез арада жақсаруын күтуде.
Сонымен қатар, «Юнайтед» Тен Хагты қызметінен босату жағдайына дайын болғысы келеді — клуб маусым ортасында жаңа бапкер іздеуді кешіктіре алмайды.
Bild журналисі Кристиан Фальктың мәліметінше, «Юнайтед» Тухельмен байланыста, және 51 жастағы неміс маманы Тен Хаг кететін болса, «қызыл сойқандардың» жаңа бас бапкері болуға басты үміткерлердің бірі саналады.