«Астана» клубы: Билеттер сатылымға шыққан жоқ
«Астана» футбол клубы «Челсимен» ойынға қатысты мәлімдеме жасады
Елордалық «Астана» футбол клубы «Челсиге» қарсы ойын билеттеріне қатысты ресми мәлімдеме жасады.
«Әлеуметтік желіде 2024 жылдың 12 желтоқсанында өтетін «Астана» мен «Челси» арасындағы УЕФА Конференциялар лигасының жалпы кезеңдік матчының билеттеріне алдын ала тапсырыс беру туралы жарнамалар жариялана бастады. Осыған байланысты «Астана» футбол клубы аталған матчқа билеттер сатылымға шықпағанын хабарлайды. Билеттердің бағасы, сондай-ақ сатылым күні туралы барлық ақпарат клубтың ресми дереккөздерінде ұсынылады»,- делінген хабарламада.
UEFA ресми сайтының хабарлауынша, «Астана» өз қарсыластарын Алматының орталық стадионында қабылдайды.
Айта кетейік, бұған дейін елордалық клуб UEFA Конференция лигасы жалпы кезеңіндегі алғашқы кездесуде Сербияның ТСЦ командасымен ойнаған болатын.