"Астана" Лига Кубогының иегері атанды

Бүгін "Түркістан Аренада" Лига кубогының финалдық матч өтті. Бұл кездесуде елордалық "Астана" мен "Жеңіс" клубтары өзара мықтыны анықтады. 

Екі ұжымның құрамы мынадай болды: 

"Жеңіс": Лобанцев, Ром, Новак, Тевзадзе, Совет, Беланчич, Волков, Жоао Оливейра, Бруно Силва, Адилио, Панцулая;

"Астана": Сейсен, Вороговский, Калаица, Казуколовас, Бартолец, Эбонг, Аманович, Грипши, Камара, Томасов, Чинеду.

Ойын "Астананың" басымдығымен өтті. Десе де, "Жеңіс" командасы қарсылас қақпасына қауіпті шабуылдар ұйымдастыра білді. Бірақ негізгі уақытта екі клубта есеп аша алмады.

Қосымша уақытта Карло Бартолец Марин Томасовтың пасынан кейін мүмкіндікті мүлт жібермей командасын алға шығарды. Көп ұзамай Усман Камара есепті еселеді. 2:0. 

Осылайша "Астана" тарихта тұңғыш рет Лига кубогының иегері атанды. 

Айта кетейік, турнирдің жүлде қоры 500 миллион теңге.