Абат Айымбетов әзербайжандық клубтардың назарына ілікті
28.11.2024, 10:59
Бірден бірнеше клуб қазақстандық футболшыға қызығушылық танытып отыр.
kff.kz
Қазақстан ұлттық құрамасы мен түркиялық "Адана Демирспордың" ойыншысы Абат Айымбетов әзербайжандық клубтардың назарына ілікті. Бұл туралы Vesti.kz хабарлады.
Аталған басылымның мәліметі бойынша қазір бірнеше команда қазақстандық форвардты өз сапына қосуды көздеп отыр екен. Алайда нақты қай клубтың қызығушылық танытып отырғаны туралы ақпар жоқ. Келіссөздердің жүріп-жүрмей жатқаны да белгісіз.
Айта кетейік, Абат Айымбетов "Адана Демирспорға" 2023 жылдың жазында ауысқан болатын.