Бүгін елордалық клуб Алматыда «Виторияны» қабылдайды

Бүгін «Астана» клубы Конференция лигасы аясында Португалияның «Витория» командасын қабылдайды.

Матч Қазақстан уақытымен сағат 20.30-да басталады. Оны «Qazsport» телеарнасы тікелей эфирде көрсетеді.

Португалиялық ұжым ойынның фавориті саналады. Қазір «Виторияның» еншісінде 9 ұпай бар. Ал елордалықтардың қоржынында небәрі 3 ұпай ғана. 

Айта кетейік, Конференция лигасында алғашқы сегіздікке кірген клубтар бірден 1/8 финалға жолдама алады. Ал үздік 24 команданың қатарынан табылғандар жарыс жолын ары қарай жалғастырады.
Қазір турнирлік кестеде «Витория» бесінші, ал «Астана» 25-орында келеді.