"Атырау" қорғаушысы бельгиялық клубқа ауысуы мүмкін

"Атырау" қорғаушысы Әділбек Жұмаханов Бельгия чемпионатына ауысуы мүмкін. Бұл туралы Aladop.kz хабарлады. 

Басылымның мәліметі бойынша, бельгиялықтар "Мұнайшылармен" трансфер жөнінде келісім жасасуға толығымен дайын. 21 жастағы футболшыға кәрі құрлық мемлекетінен бөлек, жергілікті екі клуб қызығушылық танытып отырған көрінеді. Және олардың ұсынысы әлдеқайда жақсы екені айтылады. 

Айта кетейік, қорғаушы биылғы маусымда 18 ойынға қатысып, 2 рет мергендік танытты. Жұмаханов жалпы, "Атырау" сапында 2019-жылдан бері доп теуіп келеді. 

"Мұнайшыларға" дейін ол "Қайсардың" қатарында ойнады. Жас қорғаушы биыл Ұлттар Лигасының аясында Қазақстан құрамасында алғашқы кездесуін өткізді.