"Манчестер Юнайтед" спорт директорын жұмыстан қуды
08.12.2024, 18:45
Дэн Эшуорт бұл қызметке бес ай бұрын тағайындалған.
soccer.ru
Дерекөздің хабарлауынша, Эшуорт клубқа келген бірінші күннен бастап маңызды шешімдер қабылданатын кезде аластатылып келген. "Қызыл сойқандардың" атқарушы директоры Омар Беррадамен тіл табыса алмай жүрген. Рубен Аморимді клубқа шақыруға дәл осы Беррада себепші болса, өз кезегінде Эшуорт Гаррет Саутгейттің жақтасы болған.
Сонымен қатар 28 қазанда жұмыстан қуылған Эрик Тен Хагпен келісімшартты ұзарту осы Эшуорттың идеясы саналады.
Осы жаздағы "МЮ"-дің әрекеттері клуб қожайындарының бірі Сэр Джим Рэтклиффтің көңілінен шыққан жоқ.