Еуропа чемпионы мансабын аяқтады (ВИДЕО)
Португалия құрамасының бұрынғы жартылай қорғаушысы Нани футболдағы мансабын аяқтады.
Осыған байланысты 38 жастағы футболшы әлеуметтік желіде пост жариялады.
"Кәсіби футболдағы карьераны аяқтайтын уақыт келді. 20 жыл түрлі эмоцияларға толы болды. Үлкен жеңістер мен жеңілістерді бастан өткердік. Маған үнемі қолдау танытып, жігер берген кісілерге айтар алғысым шексіз. Футболдан өзге мақсаттарым бар. Соған жету керек. Келесі жүздескенше! Рахмет!", — деген хабарлама жіберді.
Луиш Нанидің соңғы клубы" Эштрела" болды. Сонымен қатар "Спортинг", "МЮ", " Фенербахче", "Валенсия", "Лацио", "Орландо Сити", "Венеция", "Мельбурн Виктори", "Адана Демирспор" сапында доп тепті.
Португалия құрамасының намысын 2006—2017 жылдар аралығында қорғап, 2016 жылы Еуро жеңімпазы атанды.