Бүгін Чемпиондар лигасының алтыншы туры басталады
Бірінші матч 22.35-те Испанияның «Жирона» командасы мен Англияның «Ливерпуль» клубы арасында өтеді.
Бүгін УЕФА Чемпиондар лигасы негізгі кезеңінің алтыншы туры басталады. Алдымен сағат 22.35-те Испанияның «Жирона» командасы өз алаңында Англияның «Ливерпуль» клубымен шеберлік байқасады. Одан кейін 00:50-де «Аталанта» (Италия) мен «Реал Мадрид» (Испания) кездесуі өтеді. Екі ойын да «Qazsport» телеарнасынан тікелей эфирде көрсетіледі.
Ал 00:50-де басталатын «Байер» (Германия) мен «Интер» (Италия) кездесуін тікелей эфирде «Qazaqstan» теларнасынан тамашалауға болады.
Бұл матчтардан бөлек, «Динамо Загреб» (Хорватия) пен «Селтик» (Шотландия), «Брюгге» (Бельгия) мен «Спортинг Лиссабон» (Португалия), «Зальцбург» (Австрия) пен «Пари Сен-Жермен» (Франция), «Шахтер Донецк» (Украина) пен «Бавария» (Германия), «Лейпциг» (Германия) пен «Астон Вилла» (Англия), «Брест» (Франция) пен ПСВ (Нидерланд) өзара мықтыны анықтайды.