"Айымбетов vs Зайнутдинов". Қайдан көре аламыз?
Бүгін Түркия суперлигасының 16-турында "Адана Демирспор" мен "Бешікташ" өзара кездеседі. Тұңғыш рет шетелде Абат Айымбетов Бахтиёр Зайнутдиновке қарсы ойнайды.
Матч 16 желтоқсан күні Астана уақыты бойынша сағат 21:00-де басталады. Бұл кездесуден Sport Plus Qazaqstan арнасы тікелей эфир жүргізеді.
Айымбетов осы маусымда "Адана" сапында барлық турнирде 10 матчқа қатысып, бір рет мергендік танытты. Ал Зайнутдинов "Бешікташта" енді ғана тұрақты түрде алаңға шығуда. Маусым басталғалы бес рет ойнап, бір нәтижелі пас берді.
Зайнутдинов ыстамбұлдық клубта бір жарым жыл ойнаса, Айымбетовтың "Аданаға" келгеніне бір жыл өтті. Осы уақыт аралығында қос клуб өзара кездеспеген.
Дәл қазір "Бешікташ" чемпионатта 25 ұпаймен бесінші орында келе жатса, "Адана Демирспор" соңғы он тоғызыншы сатыда орналасқан. Олардың еншісінде -1 ұпай.