Айымбетовтың голы командасына сенсациялық жеңіс (ВИДЕО) сыйлады
Футболдан Түркия Суперлигасының 16-турында "Адана Демирспор" ыстамбұлдық "Бешікташ" клубын қабылдады. Матчқа шолу төменде ұсынылған.
Ойын "Адана Демирспордың" сенсациялық жеңісімен (2:1) аяқталды. 31-ші минутта Юсуф Бараси алаң иелерін алға шығарды. Ал араға жеті минут салып қазақстандық шабуылшы Абат Айымбетов нәтижені еселей түсті.
"Бешікташ" матч барысын өзгерту мақсатында алаңға бірқатар ойыншы шығарды. 46-шы минутта қосалқы құрамнан Бахтиёр Зайнутдинов та қосылды. Бұның бәрі өз нәтижесін берді. 72-ші минутта Аль-Мусрати дәл соққы жасап, есеп айырмасын қысқартты. Бірақ араға төрт минут салып ыстамбұлдық клуб сапында Таийб Талхи Сануч дөрекі ойнап алаңнан қуылды. Айта кету керек, 82-ші минутта Айымбетовтың орнына басқа ойыншы шықты. Ал Зайнутдинов кездесу соңын айқындайтын төреші ысқырығы естілгенше ойнады.
Осылайша "Адана Демирспор" биылғы маусымдағы алғашқы жеңісіне қол жеткізді.