«Челси» Алматыға келгенде: қар басқан трибуналар және әкімнің пікірі
Алматыға жақында келген лондондық «Челси» клубының сапары тек футболмен ғана емес, стадиондағы жағдайлармен де есте қалды
Матчтың әлі аяқталмағанына қарамастан, трибуналарда қар тазартылмағаны үшін стадион басшылығы қызметінен шеттетілгені белгілі болды.
Бұл ойынға Алматы әкімі Ерболат Досаев та қатысты. Оның айтуынша, қар шығыс сектордағы алты қатарда қалған.
«Стадион менеджменті бұл тұста тиісті жұмыс атқара алмады. Соған қарамастан, жалпы атмосфера жақсы болды, УЕФА немесе командалар тарапынан ешқандай шағым түскен жоқ», – деп мәлімдеді әкім.
Бір қызығы, әкімнің кімге жанкүйер болғаны белгісіз. Себебі «Челсиге» қарсы алаңға алматылық «Қайрат» емес, елордалық «Астана» шықты. Ал «Астана» – «Қайраттың» Қазақстан чемпионатындағы басты қарсыластарының бірі.