Коул Палмерді алаңға ерткен балақайдың түрі әлем жанкүйерлерін күлкіге қарық қылды
Англия премьер-лигасында қызық жайт орын алды: «Челси» футболшысы Коул Палмерді «Брентфордқа» қарсы ойынға ертіп шыққан балақайдың түр-әлпеті әлемдік футбол жанкүйерлерін күлкіге кенелтті
Ойын басталар алдында футболшыларды алаңға алып шығатын балақайлар дәстүрге айналғаны белгілі. Алайда бұл жолы жанкүйерлер назарын «Челсидің» биік бойлы (189 см) ойыншысы Коул Палмер мен оны ерткен балақайдың түр-тұлғасы аударды. Балақанның бет-әлпеті біртүрлі байсалды, тіпті селт етпейтін кейіпте болғандықтан, әлеуметтік желілерде түрлі әзіл-қалжыңдар қарша борады. Көпшілік оны «Палмердің жеке оққағары» немесе «жаңа трансфер» деп мазақтап, түрлі мемдер таратып үлгерді.
Әзірге бұл жайға Коул Палмердің өзі пікір білдірген жоқ. Дегенмен жанкүйерлердің көңілін көтерген ерекше сәт ұзақ уақыт есте қалары анық.