"Сити" өзбек футболшысына 50 млн еуро төлейді
"Манчестер Сити" франциялық "Ланс" футбол клубына орталық қорғаушы Абдукодир Хусанов үшін бонустарды қоса есептегенде €50 млн көлемінде ресми ұсыныс жіберді.
Ақпаратты инсайдерлер мен журналистер растады, деп жазады Sky Sports.
- Трансфер сомасы: €50 млн (бонустарды қоса есептегенде).
- Келісімшарт: 2030 жылға дейін есептелген.
- Келіссөздер мәртебесі: Talksport және Sky Sports мәлімдеуінше клубтар келісімге келген, қайта сату кезіндегі проценттер бойынша соңғы келіссөздер талқыланып жатыр.
Футболшының агенті Болат Бердібеков Матч ТВ-ға берген сұхбатында келіссөздер жүріп жатқанын растады:
— “Иә, бұл шын. Біз келіссөздер жүргізіп жатырмыз”, — деп атап өтті Бердібеков.
Өзбекстан құрамасының 20 жастағы қорғаушысы жақын арада медициналық тексеруден өтуге дайын. Өзі және оның өкілдері трансферге нүкте қою үшін Манчестерге қаңтардың соңына дейін ұшып келеді.
Абдукодир Хусанов “Лансқа” 2023 жылдың күзінде ауысып келген. Команда сапында 16 матч өткізіп бір нәтижелі паспен ерекшеленді.
Бұл трансфер өзбек футболы үшін тарихи оқиға болмақ. Өз кезегінде Хосеп Гвардиола Хусанов болашағынан зор үміт күттіретін ойыншы екенін атап өткен.